Vir Cum Pluteo Pleno

API: Sonitus Linguae Latinae

2012-01-26T15:58:00.000-05:00

Modo acebecarium phoneticum internationale didici. Quoniam disputationes imaginibus verbisque scriptae nobis desunt (scilicet grammaticis verba numquam deerant), tabulam sonituum latinorum paravi.

Ecce consonantes! (Scilicet enuntiatione restorata monstrantur!)

	Labiales	Labiodentales	Alveolares	Palatales	Velares	Glotitdales
Mutae	p b		t d		k g
Mutae aspiratae	p^h		t^h		k^h
Fricativae		f				h
Nasales	m		n	ɲ	ŋ
Vibrantes			r
Semelvibrantes			ɾ
Approximantes	w			j	w
Laterales Approximantes			l

Multae litterae sunt quae videntur. Aliter c latine scribitur ubi API /k/ littera utitur. Similiter nsonatur /n/ aut /ŋ/ propter locum in verbo. Regina /n/ dicitur, angulus tamen /ŋ/. Scilicet sonitu /ŋ/ cum N scribitur ante velares, utimur. Littera R quoque difficultates nobis dat. Alii discrimen inter R et RR faciunt hoc modo /r/ et /rː/, alii—inter eos sum—/ɾ/ et /r/ dat idem discrimen.

Deinde ars ASCIIana est ventum significans vocales.

i+y--------------+---+u

\ | |

\ ɪ | |

\ | |

e+-----------+---+o

\ | |

+-------+---+

\ | |

+---+--a+

Sed cur fit /ɪ/? Scilicet /a/, /e/, /i/, /o/, /u/ et /y/ sunt vocales latinae. /ɪ/ est enuntio barbarica in scholis Americanis inventa. Fortasse Romani ipsi sonitu /ɪ/ usi sunt, sed dubito ego qui nondum Vocem Latinam legit.

Alterum est discrimen inter vocales, nam nonullae sunt breves, nonullae sunt productae (vel longae). Par minimum hic monstratur:

hic (demonstrativum) = /hic/ (melius) aut /hɪc/ (pravius)
hīc (hoc in loco) = /hiːc/

Tandem vocales nasales habentur. Utinam saepius docantur, quia multa elementa insolita hoc modo fiunt clari. Primum inter paria est elisio poetica. In fine ullius verbi ubi vocalis et m inveniuntur, habemus:

am, velut tam = /tã/
em, velut hem = /hẽ/
im, velut turrim = /turĩ/
om velut verbo prisco, quom, facta est um
um velut virum = /wiɾũ/

Alia sunt loca nasalia, sed ratio datum esse debet. Nunc diphthongi:

ae = /ai/
au = /au/
ei = /ei/
eu = /eu/
oe = /ɔi/ vel /oi/, hic autem melius
ui = /wi/

Nunc nos ad ludos abecedario phonetico intenationali vertamus. Ecce Catulli 85a poema:

odi et amo. quare id faciam, fortasse requiris
nescio, sed fieri sentio et excrucior.

API scripta:

/oːd et amoː. kwaːɾ id faciã foɾtasːe rekwiːɾis/
/nescio sed fieɾiː senti et ekskɾukioɾ/

Elisiones haud facile monstrantur, itaque spatium inter verba non molestavi. Fortasse fiens peritior meliorem transcriptionem facere potero, sed hodie hoc est quod egi.

Insomnia

2012-01-23T01:45:00.000-05:00

Dormire me oportet, sed non possum. Nullo pacto possum. Rationem et causam scio.

Mama.

Verbum diei

2012-01-22T21:57:00.004-05:00

Tandem verbum utilissimum inveni laborans nullo dolore opera Erasmi.

nāsūtus, -a, -um — qui nasum magnum habet

Nescio quomodo eo usurus sim… sed Erasmus semper placet.

Nervi

2012-01-18T23:45:00.001-05:00

Quis se ad latinitatem medicalem vertit? Ego. Cur? Est thesis latine scripta, cuius res numquam anglice reddita est. Numquam. Quis rem in linguam anglicam reddet? Rursus ego. Cur? Ut quidam physicus rerum naturalium novam scientiam auxilio meo latino divulget.

Situs noniam defunctus

2012-01-18T09:16:00.001-05:00

Res Catulliana

2012-01-15T16:22:00.002-05:00

Nuper pelliculas ad Catulli poemas spectantes feci. Causam propositumque habueram sed nescivi viam agendi. Multi latinitatis discipuli, videtur mihi quidem, opera magna non legant aut magistris carentes aut scientia. Itaque situm feci, scilicet haud perfectum vero incohatum. Per tempus operibus Catullianis eum plenescere volo.

Situs ipse.

Propositum meum est hoc: facere situm volo in quo discipuli litteris latinis studere ad intellegendum possint.

Iterum Catullus 85

2012-01-11T23:02:00.001-05:00

In situ meo chartulam, quae ad Catullui 85am pertinet, nuper intuli. "Quare id faciam, fortasse requiris…"

Poema Catulli 85a

2012-01-08T01:24:00.000-05:00

Ante quadrum ordinatri coruscans sedeo legens nugam Catullianam. Spero ut vos ea fruamini.

Textus poemae:

Ōdī et amō. Quārē id faciam, fortasse requīris.
nescio, sed fierī sentiō et excrucior.

Perditus in silva

2012-01-07T11:55:00.000-05:00

In quadam silva ambulabam primis diebus veris et ubique erant folia vento niveque sparsa. Fusca et sicca sine vita vestigia aestatem praeteritam monstrabant. Post mille passuum, plus minusve, sol per nubes cineres haud bene perluscit. Quid in mente venit? Ille poeta Italicus: Dante, qui scripsit viam directam esse obsuram medio in vitae itinere. Ego autem in silva errans medio in vitae itinere me inveni. Senex tamen vix sum, sed calulatione antiqua nominari iuvenis nequeo. Et re vera me esse in itinere vitae perditum aestimo. Quonam ibo meo in itinere? Sine dubio paternitatis, qua onera in viris imponuntur, me decet (placetque). Sic multa mihi sunt necesse: bona reddere munere, filiolam humantitaem docere, familia frui. Quae agere vita debebo est clarissimum, quamquam quomodo haec agenda sint me vexat. Cotidie pauciores mihi electiones fiunt, nam per vitam electiones pauciores fiunt. Puer aliquid vita agere potuerim. Factus sim agricola, vel aeroplani gubernator, vel fur vel quoquo munere frui, sed crescens adolescensque alias vias elegi et alias deposi. Haec est vitae ratio. Quidquid hodie electum est, cras destrictus erit. Exempli gratia, hodie Indianapoli sum, sic sequitur ut cras Londini non sim (nisi montem pecuniae solvam).

[Scriptum'st a.d. XI Kal. Mai. 2009]

de lingua venetica

2012-01-06T22:55:00.001-05:00

Multi latinistae, et quomodo aliter fieri potest?, linguam latinam bene cognoscunt. Pauci autem, ut mihi videtur, multum de aliis linguis antiquis Italicis cognoscunt. Vultisne pauca de his linguis mecum? Non sum expertus, immo pauper discipulus qui scientiae cupidus sum.

Itaque investigationem nostram lingua venentica incipiamus. (Omnia quae procedunt sunt mihi sententias et, spero ne sint nimium ridiculae, speculationes.)

Re vera, nemo multum hac de lingua scit. Fortisan lingua venetica sit in ramo italico, velut lingua latina, vel suo in ramo sit. Difficile dictu, nam paucae inscriptiones inventae sunt. Nihilominus, multum discere possumus.

Haec est (sine imagine ipsius inscriptione) transliteratio mea literis veneticis:

Literisque Romanis (a situ captis):

mego donasto sainatei reitiai egeotora aimoi ke louderobos

In linguam latinam reddita:

me donavit sanatrici reitiae egetora aemo liberisque

Verbatim pergam. Inter "me" et "mego" nullum spatium, nisi orthographicum, extat. Idem significant et similia videntur. "Donavit" et "donasto" vicibus similia et dissimilia videntur. Nullo dubio, pars prima cuiusque verbi est eadem—"don". Non eodem terminantur, quamquam venetice "donasto" in memoriam quoddam verbum latinum: "donasti", aliter "donavisti". Nescio si venetice "donasto" et latine "donasti" sint ortu similia praeter primam partem, sed ita fieri velle possumus.

Sanatrici Reitiae: Quis fuerit illa sanatrix Reitia numquam sciemus, sed casus dativi sunt verba. Altera est similitudo inter has duas linguas. Egetora: videtur esse dator noster. Aemo liberisque: hoc est difficile. Videtur mihi praepositio deesse, ego autem pauca pro certo hac de re scio. Forsitan sit casus in lingua venetica qui linguae nostrae desit. Forstian inscriptio olim habuerit praepositio, qua de re sine imagine certi fieri non possimus. Forsitan tandem sit dativus duplex in loco praepositionis. Puto, fortasse solus, linguam veneticam hoc modo sententias facere:

Latine: Aliquid tibi (DAT) pro Aemo (PRAEPOSITIO) do.
Venetice per verba latina: Aliquid tibi (DAT) Aemo (ITERUM DAT) do.

Nunc autem coniectiones facio.

Videtisne "liberisque"? Nunc primam animadvertamus dicentem "ke louderobos". Ke? -que? Nonne similia verba videntur? Etiam alterum verbum simile cognoscimus: καί. Aliquo modo a me ignoto "que" factum est encliticum. Et si mecum fingere possitis… Nonne videtur "-obos" in "louderobos" simile huic: "-ibus" vel etiam "-obus" in verbo "ambobus"? Mihi videtur. Procul dubio similitudo inter systematibus declenationum harum linguarum extat.

Nunc ad alteram inscriptionem (cuius imago hic inveniri potest):

Et velut antqeuam transcriptione melius videre possumus:

Oppos Apliskos doto donom Trumusijatei

Et latine reddita (manu mea):

Oppus Apliscus dedit donum Trumusiatae

Rursus verbatim. Oppus Apliscus: est noster dator. Scripsi datorem esse Oppum, sed tam facile quam non scribere potuissem eum esse Uppum. De rebus phonologicis linguae veneticae ullo pacto nescio.

Dedit: Non sum certissimus sed si "donasto" est "donavit", videtur posse "doto" esse "dedit". Procul dubio est relatio inter "-to" et "-it", et sequitur ambo verba esse eiusdem temporis. Aliter sensum non facit, nam quis in dono inscribit "hoc tibi do."? Semper dicere volumus (vel ego solus quidem) "hoc tibi dedi." Donum: tam simile "donom" verbo "dono" ut alteram explicationem facere non possim. Satis dictum hoc de verbo. Trumusiatae: Si hoc nomen, et si non est nomen nescioquid sit, esset quintae declinationis, literas mutare non esset necesse. Quinta autem declinatio est clausa, itaque nova nomina in aliis declinationibus, praecipue prima, secunda tertiave, posita esse solent. Ego igitur illius morem sequi crevi.

Quid hac de re putatis vos?

Poema Catulli 101a

2012-01-02T17:25:00.003-05:00

Opus Catullianum in sepulteto, cuius hanc poemam decet, sub caelo cinereo declamo.

Haud certus sum, sed alias pelliculas quae ad poemas Catullianas pertinebunt faciam. Pelliculis factis, alteras faciam ut poemas ipsas explicare possim—latine tantum. Nam multa enchidiria res latinas anglice explicant et discipuli latinitate ut aenigmate intellectuali frui solent. Aliter esse debet. Me certiorem facere potestis. Debeone agere hoc propositum?

Et pro dolor. Quam crassus gratia tunicae videor. Crassior pro certo quam sum. Et semicalvus. Senectute incipiente affligor.

Textus poemae:

Multas per gentes et multa per aequora uectus

     Advenio has miseras, frater, ad inferias,
Vt te postremo donarem munere mortis
     Et mutam nequiquam adloquerer cinerem,
Quandoquidem fortuna mihi tete abstulit ipsum,
     Heu miser indigne frater adempte mihi.
Nunc tamen interea haec, prisco quae more parentum
     Tradita sunt tristi munere ad inferias,
Accipe fraterno multum manantia fletu
     Atque in perpetuum, frater, aue atque uale.

Domi

2011-12-19T19:05:00.002-05:00

Domi. Fessi. Laeti. Tandem iuncti velut familia.

Uxor cum parvulo aegro aegra domi mansit, dum ego cum filiola iter fecimus.

Terra firma?

2011-12-13T21:31:00.000-05:00

Pellicula, cuius oblitus sum, monstrat res naturales, quarum prima inter pares est successio. Successio? Successio est ad oecologiam pertinet. Si pratum fieret silva in tempus, fieret successio. Quidni fabulam de successione narram? Est pratum. Super id volat avis quae cacans semina per pratum spargit. Nonnullis seminibus germinatis, fit quaedam arbor crescens crescensque. In tempus arbor fit tam magna ut semina propria faciat et cotidie umbram facit. In umbra vix crescere potest herba. Semina primae arboris germinantur et fiunt plures arbores. Veniunt animalia silvestria sub arbores. Animalia quae in prato habitabant cibum suum sub arboribus invenire nequentes abeunt. Mutatis mutandis pratum in silvam refactum est successione.

Iam. Haec fabula non est fabula tantum: est res vera. In pellicula humus in quo stabam olim fuit lacus. Non mentior.

Novum Eboracum

2011-12-11T20:28:00.001-05:00

Una cum familia iter Novum Eboracum faciam. Aeroplano illuc vehemur. Primum tale iter erit filio, filiolae tamen haud primum erit. Videtur mihi filiola itinera bene cognoscere.

Nescio quae visuri simus. Timeo ne istum "armentarium" videamus. Eius me pudet. Iam pudet domi.

Haicua Latina

2011-12-08T22:25:00.001-05:00

Sunt duo et primo pipiata.

media nocte
dormiendum omnibus
nisi scriptori

ventus nubesque
omnino et ubique
hiemem ferunt

de adventu et natali Christi

2011-12-04T23:20:00.001-05:00

Hodie in ecclesia lectiones inter carmina legimus et schidula dicebat hoc esse morem nostrae paroeciae hoc anni tempore. De moribus autem huius temporis mente ruminari incepi, nam 4o Decembris est dies natalis mei fratris et olim inceptio temporis Natalicii fuit meae familiae. Arbor natalicia ante hunc diem numquam erecta est. Numquam—non licet per mamam.

Et iterum me in cogitatione versi. Si familia mea mores proprios de natali Christi habuit, scilicet aliae alios. Videtur mihi patere. Nonne vobis?

Mores nostri: A me patre kalendarium adventale filiis ostenditur. Dies Sancti Nicolai est festum nobis. Heu, donulum invenire debeo! Nihilominus alios mores evitare conor. Permaxime displicent multa carmina natalicia mihi. Pro pudor! "Mamam Sancto Nicolao basia dare vidi." Malum'st. "Sancte, care!" a Britney Spears cantum pessimum'st. Fortasse Sanctum Nicolaum ipsum evitare debemus, nam semper lacrimae prae eum fiunt. Ego et uxor quandam pelliculam, quae innominata manebit, spectare solemus. Mox eam spectabiums.

Qui mores sunt vobis?

Lingua Graeca

2011-11-28T21:51:00.001-05:00

Quomodo ab vobis enuntiatur?

customer survey

Me paenitet linguae anglicae.

de monte et colle

2011-11-27T21:44:00.001-05:00

Nuper et collem et montem pede ascensi.

Collem, recte nominatum, altissimum in Visconsinia ascensi. Imagines non feci quia aer plena erat nubibus. Humum impsam attigerunt, itaque nihil visum'st. Nihil. Etiam animalia sensu meliore quam meo deerant. Solus per silvam in silentio ambulavi. Omnino tacuit, nisi pedes mei. Erat multae viaculae quibus fructus sum. Lacus erat sub nubibus mirus. Etiam montem, plus minusve recte nominatum, ascensi. Iterum nubes. Iterum nemo nisi ego, sed quoddam animal vidi. Erat Plethodon cinereus, scilicet inopinatus a me.

Nunc me fuisse virum altissimo in Visconsinia dicere potestis. Fortunati vos! (Ha!)

Addendum: Scriba Latinus me de Petrarcho monuit.

Agricolae Americani

2011-11-23T11:53:00.000-05:00

Maiores mei, velut fere omnes, erant agricolae, sed ego pelliculas habeo. Et eas vobis inderdum ostendam. In pellicula annis 40is saeculi 20i facta et avum et proavum videmus. Avus tractorem per agrum agit, proavus autem equos per viam agit. Media pellicula (1:20 plus minusve) eorum familam nobis ostendit. Qui sunt?

Paterfamilias est Carolus Johnsen, senior, qui fuit filius cuiusdam Dani. Illud est altera fabula. Eius uxor, Helena (nata Roy) est materfamilias, cuius pater nomen suum—Petrum—mihi dedit. Avus meus camisiam striatam gerens cum matre sua saltat. Avus nomine est Carolus, qui nomen filio meo dedit. Vir incamisiatus est, ni memoria fallor, Robertus, qui totam vitam illum fundum coluit. Puer ad cubitum proavi est Ronaldus diabete afflictus et ante natum meum mortuus, itaque de eo non sum tam certus quam de aliis. Puella prope Ronaldum est Elizabetha, quae ab multis putata est mente imbecillis. Mihi tamen aliter visa est haud bona ruricola, quae bonas fabulas narravit. Nescio quae sit altera femina. Ita est vita.

Iam, procul dubio, miramini cur non fuerint milites in bello mundiali Carolus, iunior, et Robertus. Nonne fuerunt viri fortes? Recte censetis, sed agricolae non erant ad conscribendum in Civitatibus Foederatis itaque Carolus et Robertus bellum et conscriptionem evitarunt. Fortuna illis agricolis favuit, quia lac erat maioris momenti quam bellum gerendum. Nunc ad pelliculam…

I. Edgarus

2011-11-18T22:18:00.001-05:00

Modo alteram peliculam in theatro vidi. Ad vitam I. Edgari Hoover spectavit. Americani eum cognoscere debent, sed alii certe non. Iohannes Edgarus Hoover erat vir magni momenti in Civitatibus Foederatis annis saeculi vicesimi ducens Ministerium Inquirendi Federalem (anglice: Federal Bureau of Investigation).

Itaque pelicula monstrabat res publicas et viros illustres inter quos erant Martinus Luther King, Jr., Franklinus Delano Roosevelt et ceteri. Etiam abusus auctoritatis et virum vitiatum monstrabat. Ambo themata inter se a rectore Clintono Eastwood maxima cum arte texta sunt. (Re vera ille senex fiebat rector pelicularum dramaticarum annis recentibus.)

In primo themate, auctoritate abutitur Hoover. Semper plus plusque auctoritatis a Senatu petit sine cura consequentum. Hoover ictus in casa patroni "vidit" et re ad suum emolumentum usus est. Filio Lindbergh rapto, rem ad emolumentum versit Hoover. Per annos tot res ad se versit ut multas res secretas de viris (et nonnullis mulieribus) illustribus tenuerit. Cum Hoover aliquid voluerit, his rebus secretis voluntatem aliorum ad suam pervertere solebat. Imperium suum fecit. Hoc thema est momenti historiae.

Altero in themate, eius vita ostenditur. Hoover a natu usque ad mortem matris una cum ea habitaverat. Re vera, totam vitiam Vasintioniae (in Territorio Columbiano) habitavit Hoover. Fortasse Hoover erat, ut anglice dicitur, mama's boy (latine, filius maternalis). Nescio, sed aliter non videbatur esse res in pelicula. Etiam Hoover esse dicitur rumore (aut recto aut falso, difficilie mihi scitu quippe nihil de rumorum veritate dicam) et homosexualis et transvestitus. Ante seditionem Stonewall, nemini licuit esse homosexuali—et, hoc, mea quidem sententia, Eastwood rector nobis recte ostensit. Cum Hoover in pelicula vestimenta muliebre induisset, plangore quieto flevi. Erat scaena humanissima.

Procul dubio, haec pelicula ad certamen Anscharianum pertinet.

Mama

2011-11-15T12:29:00.001-05:00

ave atque vale.

dis manibus
Carola Maxima Sipes
annos 61 sua aetate
cancre morbo necata.

utinam requiescas in pace.

Obruptio Soraiae M.

2011-11-13T19:44:00.001-05:00

Recte legistis hac in pelicula Soraiam M. lapidibus obrui. Si facile ad vomendum acti hanc specaretis, vomituri essetis nam obruptio lapidibus paulatim maxima cum cura nobis ostenditur. Re vera, titulus huius peliculae totam fabulam revelat. Ibi est crux rei.

Inter me vosque fabula non videtur quam vera tam scriptores fabulae (et peliculae et mythistoriae) nobis credere volunt, nihilominus dicunt fabulam esse gestis veris scriptam. Minime autem refert, nam vicibus in pelicula violentia affligimur ab ovo usque ad mala. Scilicet debemus hac pelicula affligi—nefas obrui labpidibus est maximum. Miror utrum rector peliculae hoc voluerit agere ad fabulam narrandam an animum concitandum. Difficile dictu. Procul dubio, obruptio Soraiae non est res secreta. Etiam modus narrandi rem revelat, nam narratur media in re! Sed satis rei.

Rector peliculae (Cyrus Nowrasteh) est et Persus et Americanus, itaque fabulam persicam ex mythistoria tractam facere volebat. Et fecit. Bene fecit. Propter fabulae rem pelicula in Persia fieri non poterat, itaque Cyrus loco in Iordania usus est. Similiter histriones Persi non fuit Cyro Nowrasteh, itaque histrionibus Perso-americanis usus est. Iterum res in animo venit: spectat ad propogandam an ad fabulam narrandam pelicula? Iterum difficile dictu.

Nihilominus pergrata erat mihi. Tandem (pro pudor Anglice!) pauca verba Hafez poetae vobis ostendo:

Ne te gere velut hypocrita qui suas fraudes celare putat Alcorano declamans. —Hafez

Don't act like the hypocrite, who thinks he can conceal his wiles while loudly quoting the Koran. - Hafez

Si habeatis poemam Persice scriptam, quaeso mitte eam ad me ut latine reddatur.

Familia laeta

2011-11-10T17:28:00.001-04:00

Olim etiam ego eram parvulus. Hac in imagine ego, mater paterque videmur. Nonne carus quatuor menses natus videor? Mirabile dictu, ego nunc 13 annis provectior sum quam illi in imagine. Si tempus fugit, quo it?

Pater, imagine visa, vestimenta sua perdita lamentatus est, quoniam focale ei valde placuerat.

Elegia scribenda bis

2011-11-10T11:08:00.004-04:00

Ut pollicitus sum, scribo elegiam meam coram vobis. Primum de sententiis. Dein de metro. Nunc ad scribendum.

– u u | – uu | – – | – X | – u u| – u

prōavia mī puerō parvō – crustula multa

Vexor quarto pede. Tempus mihi auxilium dabit. Fortasse facile solvenda erit hoc modo:

prōavia mī puerō parvō—eu!—crustula multa

Sed videtur inelegans.

– X | – X | – || – u u | – u u | –

– u u| – – | – ||

saepe dedit.

Heu. Non erit facile. Ad rem iterum vertar.

ad metrum

2011-11-08T23:31:00.000-04:00

Sex mihi surgat opus numeris, in quinque residat — Ovidius

Scilicet, sententias habens me ad metrum vertere debeo. Quo metro scribam? Em, elegiaco metro quoniam elegiam scribere volo. Qualis est hoc metrum? Primo in versu, sex sunt pedes. Altero in versu, quinque. Solent intellegi ambo versus velut una sensus pars.

Primum hexametrum:

— X | — X | — X | — X | — u u | — x

X fieri potest aut u u aut —. x fieri potest aut u aut —. Ultima pes anceps, nonne? Ovidius noster exemplum perfectum ostendit:

— u u | —u u|— u u|— —| — u u|— u
Sex mihi surgat opus numeris, in quinque residat

Nunc pentametrum:

– X | – X | – || – u u | – u u | –

Exemplum mihi deest (propter pigritiam, neque propter inopiam). || significat diaresis, ibique alterum verbum sistit alterum incipit. Sufficiente dictu, metrum satis quidem bene intellego.

Venturum: Possumne facere versus e sententiis?

Elegia scribenda semel

2011-11-07T20:39:00.000-04:00

Mox fiet tempus ad lugendum. Quando? Difficile dictu nescienti. Vita morsque tempus nobis dant, neque vice versa.

Hae sunt sententiae quas in animo habeo:

Prōavia mihi crustula dedit.
Avia mihi rīsum dedit.
Mama mihi vītam ipsam dedit.
Omnēs amōrem ad familiāres habuērunt.
Hae mulierēs acā vītālī tapētum humānum suērunt.
Nunc ad mē ventum'st.
Acus fit in manū.
Līberōs meōs in tapētum humānum suō.
Illōs cūrō amōque ut crēscant additūrī ad tapētum.

Ha. Possumne facere versus ex his nugis? Iterum difficile dictu nescienti. Spectate hic ut inveniatis. Versificendi haud expertus sum.

Ante diem omium sanctorum

2011-11-05T00:17:00.003-04:00

Americani, et fortisan hic mos sit vestrae patriae, syntheses ad personas gerendas ante diem omnium sanctorum induere solent. Nescio cur, sed ita solemus. Praeter hoc, ad vicinos imus nugas dulces petentes dicentesque "Trick or treat." Scilicet "Fraudem an dulcia—utrum mihi dabis?"

Hic mos mihi placet. Valde placet. Etiam puero adulescentique mihi placuit. Quodam anno sol esse simulavi: tunicam flavissimam gessi novem lapili ferens. Quam iucunda est illa memoria.

Horno iterum morem filiolam didici. Ad vicinos ivimus dicentes "Trick or treat." Imago ad sinistram vobis patere debet. Filiola personam principissae gessit—cuiusdam Bellae Dormientis. Filiolus personam mustelae mephitidae gessit—sed emissiones putentes non fecit. Fotuna enim nobis favuit. Ego aut nimis callidus aut nimis stultus personam musicorum gessi. Sed hi musici noniam sunt clari. Isti sunt Kris Kross, qui vestimenta sua retrorsum gesserunt. Idem feci, sed nemo iocum meum intellexit. Fu. Alter autem annus veniet, altera persona.

Pipio

2011-11-04T14:51:00.001-04:00

Nonnumquam mihi placet pipiare (octies, nec plus nec minus). Pipiare? Nonne cognoscitis twitter.com? Re vera, usus huius situs me eludet usque etiam nunc, quoniam hac in ephimeride rescribo.

Si vultis, petite me hic.

Quid putatis, cari lectores? Latine pipiandum'st mihi? An non?

Pi! Pi! Pi! (132 litterae manent...) Pipiatisne? Ubi? Vos sequi mihi placeat.

Ad linguam graecam

2011-11-03T22:07:00.005-04:00

Scilicet linguam latinam cognosco, sed etiam linguam graecam. Non sum expertissimus illius linguae, sed multum de ea didici. Quatuor peliculas ad linguam graecam discendam (anglice) feci. Quamquam haud omnes lectores linguam anglicam intellegunt, sentio has fore imolumentum paucis lectoribus.

1. Prooemium

2. Historia brevis illius linguae

3. Enchidiria ad tirones

3 1/2. Libri ad (plus minusve) peritores

4. Pauca verba Herodoti

Nondum facta est pelicula. Fortasse versionem latinam facere debeo.

In musaeo puerili

2011-10-22T22:13:00.001-04:00

In musaeo Petropolitano ludebamus. Urbs autem ipsa est haud magna, sed musaeum ad pueros bene pertinet.

In imagine discis utimur ut motio circularis demonstrari possit. Sub disco, qui est in manibus, est mensula quae velut rota volvitur. Magna cum cura discus poni potest ut in mensula ipse volvitur. Mirum iucundumque est.

Aliae exhibitiones monstrant cultum fundorum, scientiam ludorum, popinas ad ludendum, ceteraque. Re vera etiam est tractor, neque eius imago, in musaeo.

Scilicet, mihi placet ludere cum filiis in musaeo.

Elegia

2011-10-20T17:43:00.003-04:00

Interdum quantitates vocalium Latinas melius cognoscere desidero. Cur? Ut poemas fingere possim. Ratio autem non fuit mihi magni momenti usque hoc tempus, nam dolor elegiae a me rarissime sentitur. Pro certo carmina Ovidii Tristia legere soleo poetae sententias consentiens, sed eius dolor me numquam afflixit. Nunc tamen colapho maximo gravissimoque statim me affligit. Nunc ratio ad peomas scribendas est mihi impotenti. Procul dubio poemas fingere conabor matre obita. Interim dolor me familiamque expectantes cotidie affligit.

Glossologista

2011-10-06T17:52:00.001-04:00

Quis? Ego.

Mense Ianuarii studia glossologiae incipiam apud universtiatem Illinoesiae Aquilioneae. Studia classicalia, quamquam utilia sunt cuique Latinistae, mihi referunt minus quam glossologia.

Scilicet non sum peritissimus discipulus nostrae linguae, sed spero ut hoc studium ad rem nostram communalem vertere possim.

In aliis rebus: pueri bene ludunt et crescunt.

2011-02-11T19:54:00.004-05:00

Carolus Edvardus

Iam natus est! Filiolus quem ante filiolae ludibria videre potests vagire media nocte solet, sed ita sunt parvuli. Mater bene convalescit, nam puer matri suae partu Caesariano excisus est. Filiola amore mota fratri novo basias multas saepa dat.

2010-10-15T14:39:00.002-04:00

Columbopolis

Iam in sesssione conventiculi, quod agatur Societate Ohioensi "Classicistarum", sedeo.

Re vera, actor sum aedibus, sub quibus olim laboraveram, libros venedens. Sessiones autem sunt statim seriatim! Quando libros vendere me opportet? Tempus iam deerat, et procul dubio deerit.

Sed, proh dolor, sessionibus finitis adhuc Coumbopoli sum. Huius urbis me taedet. Me rogatis cur taedeat? Nihil venustatis, nihil artium aedificandi, nihil temporum bonorum haec urbs habet. Fortasse meam familiam desidero. Utinam et sessiones et familiam prope me haberem.

Filiola latine loquens

2010-08-15T00:55:00.005-04:00

Tandem filiola latine loquitur, modo autem psittaci.

Ego: Quid vis?
Filiola: Volo.
Ego: Scilicet. Sed quid vis?
Filiola: Volo.
Ego: Lac an patella? Aquam an quisquilias? Quid vis?
Filiola: Volo milk.
Ego: Quid latine dicimus? Nonne "lac volo"?
Filiola me oculo malo spectans: Lac volo.
Ego: Te…?
Filiola tacet.
Ego: Te amabo?
Filiola: Lacvoloteamabo.
Ego: Libenter.

Antequam filiola sententiam "te amamo" dixerat, nuper didicit sententiam recte enuntiari "te amabo."

Mors puellae

2010-08-10T11:22:00.003-04:00

Soror discipuli manu sua se occidit. Familiam autem satis bene congosco, nam multos annos eadem in schola laborabamus--ego et materfamilias docentes, pueri discentes. Etiam filiola mea et eius parvulus in cunis una ludebant.

Otiosus somnolentusque cursuales electronicas inspiciebam cum epistulam incredibilem legerem. Puella duodecim annos nata se occidit. Ubi sensus?! Cur sinet Deus hoc? Illam vix cognovi, sed hoc tragoedium credere vix potui. Necesse mihi fuit bis, ter, quaterque epistulam legere, et adhuc quod legeram vix intellexi.

Cum parentibus lugentibus ante mortuiculae sarcophagum commoravi atque falsus verbis, mirabile dictu, ante lacrimantes steti condolens. Mater per lacrimas mi obstupenti dixit, "Te eam docturum non esse puto." Quam fortis illa! Quam fortis!

Eius fratrem, qui scilicet lugens dolore laborabit, latinitatem docebo anno scholari venturo. Quidnam agam? Eius dolorem nullo modo bene intellegere potero, quamquam conari me oportebit decetque. Quidnam filiolae meae dicam? Laetissima cum fraterculo illius puellae lusit (et ludet). Nihilominus viam inveniemus aut volentes aut nolentes, sic est vita in mundo humana.

Vita tamen continuat.

2010-06-07T16:31:00.000-04:00

Plus ex enchidirio

Iohannes et Gulielmus inter sē dīcunt.

Iohannes: Gesta Rōmānōrum amō et Metamorphosēs quoque. Utrum librum plūs amās?
Guilelmus: Metamorphosēs ēligō. Dum Gesta Rōmānōrum mē dēlectant, Ovidius est poeta optimus. Fabulam Perseī et Medūsae bene scriptam amō.
Iohannes: Hanc fabulam nesciō. Mihi eam narrāre dēbēs.
Gulielmus: Bonus magister tibi fabulam narrāre dēbeō. Ovidiī vītam docēre dēbeō, nam tū et sororēs multa dē eō necsītis.

Ecce vīta Ovidiī:
Ovidius est poeta Rōmānus. Is est natus annō 43 ante Christum natum. Eius oppidum est Sulmo, sed nunc in urbe habitat. In eā habitat, quia scrībere vult. Et ibi scrībere potest. Is multōs poetās in urbe cognōscit et eī Ovidium cognōscunt. Proh dolor! Etiam Augustus eum cognōscit.
Augustus eum ad Pontum anno Dominī 8 mittit. Quae est ratio? “Carmen,” inquit Ovidius, “et error mē ad Pontum mittunt.” Ovidius epistulās ad Augustum scrībit, nam Ovidius redīre vult. Amīcōs suōs et uxorem dēsīderat, et eī eum dēsīderant. Augustus eī permissionem redīre nōn dat, itaque in Pontō annō Dominī 17 mortuus est.

2010-05-27T12:27:00.002-04:00

Aliquid ex enchidirio

Stephanus iter ad Universitātem Oxoniensem facit. Pater eī pecuniam dat. Māter eī osculum dat. Gulielmus eī epistulās dat, nam eās ad amīcōs auxiliō Stephanī mittit. Stephanus Londinium cum Robertī amīcō iter facit. Ibi sunt aliī discipulī. Illāc ad Universitātem iter faciunt omnēs discipulī. Familia Stephanum salutat.

“Valēte!” inquiunt. Familia Stephanō bonam fortūnam vult.

Nunc Gulielmus trēs discipulōs habet. Quī sunt? Iohannis, Maria et Anna. Hodiē fabulam cum Gulielmō legunt. Fabula est in librō Gulielmī et liber est nōmine Gesta Rōmānōrum. Ecce fabula!

“Valerius fabulam narrat: Promissā pecuniā, Fabius praefectus captivōs Rōmānōs redimit. Sed Senātus Fabiō pecuniam prō captivīs nōn dat. Itaque Fabius ipse fundum suum vendit et pretium promissum solvit, nam fidem monstrāre plūsquam pecuniam suam habēre amat.”

Anna Stephanō dē Fabiō narrāre vult, nam fabula eam dēlectat. Stephanus abest, itaque eī fabulam narrāre nōn potest. Quid ea agere potest? Scribere potest. Quid est scribere? Scribere est sīc: Sī Anna litterās et verba pennā facit, ea scribit. Anna scribere et legere potest, nam docta est. Vultne Iohannes scribere? Minime scribere vult, sed ludere amat. Necesse est scribere et legere, itaque Iohannes scribit et legit cum Annā et Gulielmō.

2010-03-25T15:26:00.008-04:00

Silva borealis

Prope Cultellum Flavum facta.

Me paenitet lapsuum linguae, sed peliculam facere non est facile ipsa in silva imparato.

Incertus de nomina fui peliculam faciens, sed certior fiebam.

Silva borealis est species silvae, in qua pini sunt arbores frequentissimae. Russi hanc silvam taigam nominant, itaque ipse causa simplicitatis hoc nomen silva boreali malo. Taiga circum verticem mundi in America septentrionali, Canada, Russia, Scandinavia et Iaponia invenitur. Hac in silva heims frigescit longissimeque durat, dum aestas sol maiore diei parte lucet.

Cultellus Flavus est urbs (hae!) maxima in Territoriis Boreoccidentalibus et eorundem caput. Ibi die 21o Iuni sol fere 20 horas lucet. Illuc aeroplano vectus sum, quoniam satis punctorum ad tesseram libero pretio collegeram. Oppidum est iucunde situm in taiga et multos lacus in limitibus suis habet. Ibi aurum et adamantes inveniuntur, itaque multi Cultelli Flavi divites invenire conabantur.

Clipeus Canadianus est pars continens Americae ipsa. In pelicula eum nominari "Testudinem Canadiensem" locutus sum. Domi, tempus pensare in re habebam et Clipeus Canadianus esse melius videbatur. Clipeus est fere sine humo, nam glacies humum saeculo glaciali removit et aliis in locis Americanis eam deposuit. Ea de causa quae humus extat est tenuis. Non multum pluit hic lacus tamen sunt multi, nam imber humo non arreptum sed fluit in locis humilibus. Ibi fiunt lacus. Nomen huic terrae est formae causa, quippe formam clipei habet.

Craton vobis in pelicula monstravi. Sane scire quod sit craton vultis! Craton est pars crustae planetae nostrae. Cuicumque patella tectonica est craton, quod est pars integralis et antiquissima. Clipeus Canadianus est pars cratonis Americani maior glacie expolitus, itaque saxa praecambriana videri possunt. Clipeus "spina Americana" nominavi. Hic saxa, in quibus steti, sunt crassisima (200 chilometros, plus minusve) et mantello terrestrali attingunt.

2010-02-28T21:56:00.004-05:00

Portus Dives

Nuper ego uxorque fuimus in Portu Diviti ut tempore sine filiola fungi simus.

Insula ipsa est satis commoda sole litoribusque. Olim insula erat colonia Hispaniae, sed nunc foederata cum CFAis. Iohanopolem, quae est caput huius insulae, fere 500 annorum conditam a Ioanne Pontio Legionensi visitavimus. Pars ipsius urbis prisca est valde frequens, nam naves viatorum plenae in portum conveniunt. Hispani muros contra hostes suos, qui prae omnibus erant Britanni, circum urbem finxerunt ne hostes coloniam ceperint quidem sed etiam classem thesauri, quae inter Mexicum et Hispaniam auro onerata navigavit, protegere potuerint. Portus Dives fuit porta Maris Caribici et factus est tam divus quam nomen denotavit. Iohanopolis autem non est sola pars insulae.

Litora ubique sunt publica. Litus in oppido nomine Luquillo est tranquillus media hebdomade, vero in hebdomadis fine est valde frequens. Litus prope Yabucoa oppidum est vacuum hominibus. Eugepae! Illo fructi sumus! In Fajardo oppido est popina quae optimum cibum coquit. Nomen huic popinae est Statio (Hispanice: La Estación).

Pro dolor, tempus basipilae sine nobis praeterivit, sed incolae insulae hunc ludum plus me amare videntur. Robertus Clemens fuit lusor praeclarus et filius Portus Divitis. Utinam ad insulam iter rursus faciam ut ludo fungi possim—sic vita. Quaeque urbs stadium proprium habet.

2010-01-27T10:54:00.003-05:00

Mirabilissimum auditu!

Me cum filiola latine loqui ubique cognoscitis. Heri in bibliotheca quaedam mulier filiolam salutavit. "Vale!" inquit. Stupefiebam!

Sane ego et illa collocuti sumus de lingua communali et eam fuisse linguae latinae magistram didici. Ut bene scitis, ego magnam urbem non colo sed oppidulum procul Sicago. Et bibliotheca nostra non est valde frequens, praecipue ante meridiem die Martis.

Alia in re, rursus rursusque easdem sententias reri videor, nam autem (si Thomae Moro "neque enim" scribere licuit, etiam mihi "nam autem" scribere licet, nonne?) filiola easdem res agit. Meo in sermone quosdem mores animadverto, quos in indice imponam. Suntne culpae?

1. Mihi placet ordinare sententias sic: obiectum primo in loco pono, quod verbo temporali procedit, tandem subiectum apparetur. Hoc ordine uti linguae latinae licet, sed non est mos. Sane linguae anglicae numquam licet, neque est mos suus. Tamen loquor sic: Camisiam gerit ille. Raedam agit mama.

2. Semper verbum temporale in primum locum movetur cum eam vel aliquem, re vera, interogo. Sic: Visne ientare?

3. Sapius praepositionem inter eius obiectum et adiectivum ponebam. Plus plusque sententiis similibus his utor: multas per stationes (tramen it), tua in cena (est caro, quae placet), etiam tuo in lecto (dormire debes).

4. Nomen substantivum adiectivo suo procedit, etiamsi adiectivum sit personale, quamquam adiectivis demonstrantibus hoc modo abutor. Nihilominus hic usus est linguae latinae mos. Sic: Cenam tuam (finivisti), mama tua (abest), Conventiculum Lexintoniense (mi placet).

5. Adiectiva personalia vitio cum dativo possesionis uti possim. Exemplar: Numquam dico aliquid esse tuum si possum dicere aliquid esse tibi. Reation mea me eludit.

Quomodo vos loquimini cotidie?

2009-12-13T10:52:00.000-05:00

Capituli Secundi Probatio

Robertus laborat, quia est vir. Robertus non studet. Roberus historiam et linguam latinam scit. Eleanora quoque laborat, quia femina est. Eleanora non studet. Eleanora linguam latinam non scit. Quid agit Eleanora? Ea textam texit et camisiam suit.

2009-12-12T10:51:00.000-05:00

Capituli Secundi Lectio

Gulielmus scholam ducit, quia magister est. Gulielmus linguam latinam docet. Stephanus linguam latinam discit, quia discipulus est. Anna quoque linguam latinam discit et librum habet. Maria linguam latinam amat, sed Iohannes linguam latinam non amat. Eam laudat Magister Gulielmus et Iohannem non laudat. Cur eum non laudat? Puer non studet, sed dormit. Magister Gulielmus puerum videt. Iohannes eum vexat. Itaque Gulielmus clamat. Puer surgit. Iam puer studet.

Quis dormit? Iohannes dormit. Quem videt Gulielmus? Iohannem videt. Quis docet discipulm? Docet discipulum Gulielmus. Quid agit Maria? Maria discit et amat linguam latinam. Discitne linguam latinam Stephanus? Discit. Dormitne Iohannes? Non dormit, quia Gulielmus clamat. Quis librum habet? Anna librum habet.

2009-12-11T10:43:00.000-05:00

Capituli Primi Probatio

Robertus est vir. Eleanora est fēmina. Robertus nōn est magister et nōn est discipulus. Robertus est Anglus et Eleanora est Angla. Anglia est insula. Gulielmus nōn est Anglus. Gulielmus est Gallus. Gallia nōn est insula.

2009-08-31T21:46:00.002-04:00

Capituli Primi Lectio

Iohannes est discipulus. Iohannes est puer quoque. Stephanus est puer. Stephanus est discipulus quoque.

Anna non est puer. Anna est puella. Anna est discipula. Puella est Maria. Est discipula quoque. Maria est puella et Iohannes est puer.

Discipulus est Stephanus et discipula est Maria. Gulielmus discipulus non est. non est puer. Magister et vir est.

Anna femina non est et Maria quoque. Gulielmus est magister et Stephanus discipulus.

Quis est magister? Gulielmus est magister. Quis est puer? Stephanus est puer. Iohannes quoque est. Quis est puella? Anna est puella. Maria quoque est.

2009-08-31T21:38:00.002-04:00

de Quiescendo

Quiescebam, nam enchidirii labor me consumebat. Lectionibus scriptis, vobis eas monstrare possum. Ratio mea scribendo erat ire ab grammatica cotidiana facilique ad grammaticam difficilem. Procul dubio "esse" est verbum quam cotidianum! Itaque ibi incepi. Spero ut opus ad scholarum domesticarum discipulos bene spectet.

Sine mora...

2009-08-05T21:43:00.001-04:00

Ferdinandus Taurus

Rursus pelliculam fecimus.

Nunc liber est Ferdinandus Taurus latine quam bene conversus ab Elizabetha Hadas.

2009-04-02T22:17:00.004-04:00

Indianapolem

Hodie Indianapolem gubernavi. Iter Sicago Indanapolem est longum et pulchritudo naturalis deest. Visu agrorum planetieique fruebar.

Museum artium est Indianapoli. Et procul dubio, melius erat quam expectavi. Ut semper in pinacothecis quaedam imagines a me facillime cernebantur. Trans pinacothecum imago a Van Gogh vel Hopper facta ad me salivit et semper a magistris factae sunt. Hoc phaenomenon mihi placet.

2009-03-31T23:34:00.006-04:00

Imagines Peoriae

Barca aut plena aut vacua, utrum nesciverim, in fluvio Illinoensi, quamquam hac in parte fluvius est lacus nomine Peoriensis.

In silva prope Peoriam ambulabam et prospectus mihi placuit.

Post iter domi ninxit. Nemo nivem volebat neque expectabat. Haec pinus prope casam crescit. Hieme (et alio die!) induta nive est pulchra.

2009-03-27T23:20:00.001-04:00

Maturitas?
Iam maturus sum vir. Nuper parvulae ludibrium, quod est laetum dictu, emi, cum ludibrium vellem. Puer mihi ludibria emere non potui, quia satis pecuniae non habui, nam pueri causa discendi student neque causa pecuniae laborant. Puer, ut dicebam, puerilia volebam. Adultus puerilia saepe nolo, quamquam satis pecuniae habeo ad illud emendum. Nihilominus adhuc nonumquam puerilia volo, et ego, cui fortuna nuper favet, adhuc possum. Parvulae ludibria emo ut ludamus felices.

Quale ludibrium? Ne solemini! Legos emi. Legos? Quomodo latine nominantur? Lego, legonis (f)? Similis multis declinationis tertiae nominibus. An Lego, legonis (n)? Nam latera sunt neurtius generis et fortasse Legona (vel sivis Legones vel Legi). An Legi, legorum (m)? Ut "legos habeo" dici postest. Heus! In Iustini amici verbis dico, "Quot latinistae, tot verba."

2009-03-27T00:34:00.004-04:00

Familia ubique

Elegaicus carmina scribere velim, sed metrum a me est ignotum. Sic poemam sine metro scribam ut sententiae ostendi possunt. Rudum formae est carmen. Ego Peoriae, uxor Denveri, parvula Bataviae, quae est oppidum in Illinoesia, sumus familia sparsa per civitates. Et uxorem et filiolam valde desidero.

Tu abest et nos Peoriae sumus tristis
mox et tu et nos cum parvula erimus.

2009-03-19T13:28:00.003-04:00

de Peoria

Cras Peoriae ero. Quoniam multi lectores non sunt Americani, pauca de Peoriae verba loquar.

"Ageturne Peoriae?" (Vel "Will it play in Peoria?" anglice.) Sic quaedam sententia in America dicitur, nam Peoria esse media America putatur. Haec sententia autem non est nova, set primis saeculi vicesimi annis orta est. Theatrum Vaudvilianum olim ubiqui fuit in America et Peoria erat locus magnus huius theatri. Itaque sententia in usu venit.

Societas nomine "Caterpillar" vel "Eruca" ibi conditur. Illa societas prae omne (fortasse nisi Iohanne Deere) est praeclara causa tractorum faciendorum (fu! Timeo ut lingua nostra rursus abutar.) Tractores Erucenses sunt flavi.

Fortisan tempus ad imagines faciendes habeam.

2009-02-26T14:11:00.001-05:00

Die latino fruamur!

Quoto die? 7o die Martis, Satruni
Quota hora? 11:30 AM
Ubi? In ianua meridionali Musaei Fieldensi, Sicagi, ante locum tesseras emendi, illinc in popina nomine Furno Anguli prandebimus. Prandio eso musaeum ipsum inspiciemus.
Ratio? Loqui forte latine in amicorum grege

Si die ipso perditus tardatusve sis, compella me Petrum telephonice, quaeso. Numerus gestabilis telephoni est mihi: 815-814-4873. Esto, quaeso, liber ferre tecum pueros et discipulos volantes.

Me visum cognosces nam bartaus parvulam in sella volvante tulero.

Quamquam vos magna in parte procul a Sicgao habitatis…

2009-02-25T23:48:00.002-05:00

Ascensatrix

Legens, quod non memini, parvulam custodiebam ut patrem deceret. Melius operam dedi debui, nam parvula in animo consilium cepit ut montes supellictilis ascensi essent. In parvulae animo autem ullo modo videre nequeo, itaque nesciens huius consilii legere manebam. Denide voce parva audivi verbum dulce: "Auxilium!" Cur? Parvula bona ascendatrix descendere non poterat.

Parvulae statim adiuvi, postea eam prehens toto copore risi. Sumne pater impius?

2009-02-21T20:51:00.003-05:00

Enchidiria

In aedibus Bolchazianis, ut cognoscitis, laboro atque enchidiria ibi eduntur. (Verumne?) Ego quoque linguam nostram discipulos scholarum domesticarum doceo. Itaque multa enchidiria cognosgco.

Iam enchidiria, cui nomen anglicum est Latin for the New Millennium Bolchaziana me excitat, nam latinitatis historia narratur illis in enchidirioniis ab antiquis temporibus ad itineris Columbiani tempus. Erunt quam bona, sed favor forsan sit mihi. Satis igitur huius libri scripsi.

Alia autem sunt non tam bona, praecipue illa enchidrionia quae ad scholarum domesticarum discipulos pertinent. Odiosissima sunt pauca. Omnia illorum enchidirium ad res grammaticas tantum spectant. Index illorum titulorm quos odi sat longus est, quamquam haec non est ratio mihi.

Primum digressus pro inscientibus: scholas domesticas in Civitatibus habemus. Multi parentes scholas publicas pueros suos fallere putant, nam evolutio, multiculturisma, res nimis seculares, quorum illos pigeat, ibi docentur. Etiam nonnuli rem publicam et eius scholas filiis laedere opinantur. Alii scholas propinquas res fundamentales docere non posse dicunt. Multae rationes sunt illis. En! Caelum ruitur! Hi parentes scholas domestica contra causas datas condiderunt. Domi filios Deum colere, numerare, orationes, quae ab his bene aestimantur, fingere, legere docere possunt. Sine dubio fama scholarum domesticarum est proba in America, nam certamina praecipue illa in quibus sequentia literarum literis singulis enuntiatur (anglice, spelling bee), victa sunt ab his discipulis.

Lingua latina quoque magis aestimatur, nam ad et verba anglica et ad orationes et ad historiam et ad alias res spectat. Itaque multa enchidiria sunt scripta ad usum discipulorum domesticorum. Scriptores autem non sunt latinistae, latinitas igitur cuiusdam saepe eget. Mea quidem sententia est illa enchidria Deum prae latinitate colere. Deum colere nemini laedet, sane oportet, tamen non est ratio docendi hac in re. Necesse esset latinitatem prae Deo colere, si hi discipuli emolumentis linguae nostrae fruerentur. Etsi hi discipuli domi docti erunt, enchidirium haberi debebit utile. Opus est!

Iam consilium incohatum capio. Sum enchidirium melius datis anterioribus scripturus ad usum discipulorum meorum. Finis est quod discipulis potestatem legendi dat. Modo electo, multa in animo bene teneo. Primum, discipuli, pueri octo novemve annorum, studia incipiunt. Secunde parentes liberos suos docere volunt (et in consilio debent). Tandem bona latinitas, a qua nonnumquam labebar, totum per librum sine exceptione ostenditur. Labor erit magnus difficilisque, nihilominus necesse est.

2009-02-20T00:24:00.003-05:00

Cur (et quomodo) latine domi loquor?

Ego et filiola, Ada nomine, latine loquimur, quamquam Ada paucis verbis latinis utitur nisi "heus". Tam multum "heus". Sine dubio, cotidie loqui necesse est, sed alia mihi sunt consilia.

Videtur mihi repetitio cotidiana esse modus facillimus. Iam tum lexicum inspicere me oportet, nam multa, quae sunt cotidiana verba, me eludet praecipue in culina. Etiam latine legere me oportet, nam lingua latina mihi est secunda et scriptores antiqui sunt emolumentum syntacticis in rebus. Labor in me positus est, sed in nobis erit, quia parvulae crescunt et pro se legere poterunt (nimis mox, certus sum).

Ut filiolam bene pararem, libros pueriles emi. Inter hos libros sunt Ferdinandus, Olivia, Winnie Ille Pu, Regulus et ceteri.

Iam rogandum mihi habeo. Fietne filiola latinista? Nescio. Haud bene refert. Emolumentum est fieri bilingualis et lingua nostra est quam cognosco sic latine cum ea et domi et aliis in locis loquor. Saepe miror utrum esse immigrans videar an non latine loquens, sed iterum non refert. Opus nostrum a familia amicisque laudatur et adhuc manetur.

Mea quidem sententia.

Non: Historia verbi

2009-02-04T23:51:00.004-05:00

Hodie in laboris cursu nugam de "non" verbo inveni.

Olim lingua latina dua negandi adverba, secundum Basili Gildersleeve Grammaticam (pro dolor! anglice!), quorum neutrum erat "non".

Quod scripsit (latine convertum):

Adverba negativa

441. Duo sunt adverba originalia linguae latinae, nē et haud (haut, hau). De nē derivatum est nōn [nē-oinom (ūnum)]. Nē usum habet cum verbis compositis aut cum Imperativo et Coniunctivo Optativo. Usus antiquus videtur ut nē…quidem. Nōn usum habet cum Indicativo et Coniunctivo Potentiali; haud singulum verbum negat et usum habere solet cum adiectivis et adverbis.

Heus! Fuit difficile. "Ne-unum" est fons adverbi negandi "non". Hoc lecto, in officina statim "ne pas" meam in mentem venit, nam "ne pas" olim francogallice erat "nec…passum", quod spero ut recte meminerim. Idem phaenomenon ambobus verbis causam dedit, quamquam eventus differuntur. "Ne-unum" unum verbum factum est et dua verba "ne…pas", sed ambae novae, quod haud mirabile est dictu e conspectu hodierno, voces veteres praeteriverunt.

Quis hanc rem scivisset? Exempla huius rei videre valde placeat mihi, sed Gildersleeve nobis exempla huius rei non monstravit contra morem suum. Etiam ego, discipulus piger, hoc volo.

2009-01-14T00:37:00.002-05:00

Nix, nix et plus nivis

Et aer frigidissimus arcticissimusque ne obliviscar. Plus quam unum metrum nivis Sicagi decedit. Pro dolor!

Itaque hic sunt imagines Gadium, quo in loco caelum certe est melius.

Gades ipsae.

Mare Gaditanum

Rursus, mare.

Theatrum

Notate, quaeso, his in imaginibus solem splendere. Quid nuper agit sol Sicagi? Post nubes celatur, nisi dies est frigidissimus (minus quam -12ºC). Sole Gaditano frui hieme (vel aliquando) iterum volo. Officialiter haec hiemis mihi est nimis longis.

2009-01-10T21:27:00.003-05:00

Idioma convertens

Sentiantiam pro "code-switching" latinam non habeo. Quidquid autem nomen est latinum huius rei, "idomate convertente" usus sum hodie. Quid est idioma convertens? Cum aliquis duas linguas intellegit, ambabus linguis aut una in sententia aut inter sententias utitur (videte primam sententiam huius paragraphi). Sed satis nugarum linguisticarum.

Hac nocte parvula mea, quae 30 verba ancliga (plus minusve) dicit, me ex ianua exientem salutavit dicens, "Vale!" Deprendebar! Saepe aliquid latine loquor et idem sonat parvula. Exempli gratia: "Sella," inquam sellam monstrans. "Se-a," parvula inquit. Consonantes inter vocales (a filiola) enuntiari difficiles mihi videntur. Etiam filiola inter linguas domesticas (aut anglicam aut latinam) distinguere potes, quoniam mihi dicens me "tatam" vocat mamaeque suae me esse "daddy", quod anglice "tata" significat. Nihilominus parvula saepius anglicis verbis utitur, etiamsi cum ea latine loquor.

Procul dubio parvula linguas discriminare didicit. Quomodo fit? Mirabile est cerebrum humanum.

Addendum: A Sandra Ramos, quae meas nugas sequitur gratissima mihi, sermomixtura in commentariis proponitur. Hic propositum mihi placet. Quid remini?

2009-01-04T11:48:00.002-05:00

Calendarium Romanum

Olivia!

2009-01-03T15:08:00.003-05:00

Modo pelliculam feci.

Librum titulo Oliviam linguae latinae editionem filiolae (atque vobis) lego hac in pellicula. Placetne vobis? Melius autem esset si cattula, quae nos interrupit, aufuisset. Si imagines cum verbis videre velitis, necesse sit librum invenire (petereve, emereve, aut cetera).

2008-12-03T22:04:00.004-05:00

Mirabile visu!

Imago a me non facta.

Nuper per Londinium ipsum, neque Maius Londinium, ambulavi et forte quendam sepultum inveni latine inscriptum! Re vera.

Inscriptio:
DIS MANIBVS
PVELLA INCOGNITA
LONDINIENSIS
HIC SEPULTA EST
(et imago eius)

Sed res mirabilissima mihi est locus eius. Sepultus propinque aedificium quam hodiernum est. Hoc aedificium videtur formam navis stellaris habere. Mirabile.

2008-11-13T13:19:00.001-05:00

'ABEO POSSE CASEOBURGENSENE?

2008-11-07T14:22:00.004-05:00

a.d. XX Londinium

Recte legistis! Ipse cum familia Londinium ibo. Quamquam dives haud sum (re vera, non sum), tesseras optimi preti emimus.

Spero filiolam fore (in sedia propria) laetam in aeroplano. Vallis erit lacrimarum, si parvula se esse iracundam constituerit. Uxor autem ludibria, quae filiolae dabit, apscondita habet. Paratisne Fortuna favet? An non?

2008-11-06T23:03:00.003-05:00

Aegrotare

Hem. Ita. Aegroto. Quomodo aegroto? Dolore sinuum! Me tam valde vexabat hic dolor ut medicum viderim. Medicus autem mihi medicamen antibioticum, quod efficere mihi videtur, dedit. Hoc antibioticum bis in die decem per dies a me recipiatur. Etiam nota de antibiotico latine scriptum est!

Quidnam!?

Re vera.

Rx in loco verbi "recipe" stat.
BID in loco sententiae "bis in die" stat.
(Nisi fallor.)

Etiam medici linguae latinae ignoti cotidie lingua nostra utuntur.

2008-10-27T21:53:00.004-05:00

Manibus

Hac in imagine rem de pileis doceo. Cur? Quia et discipulos latine loquente et alteram linguae latinae magistram et quandam parvulam dormientem per Institutum Artium Chicagoense nuper duxi. Proh dolor! (Vel papae! De vestra sententia dependitur.) Vultus in imagine latet, tamen tergum manusque patent.

Scire utrum manibus loquentes utamini an non mihi placeat. Quod videtis, meis utor loquens. At loquens anglice manibus non utor. Estne ratio?

2008-10-23T01:48:00.001-04:00

Loqui incepit

"Tata," inquit parvula hodie.

Quam dulcis.

2008-10-16T14:26:00.002-04:00

Sermo infantilis

Scitisne quid cotidie dicam agamque? Scripturus dramaticulum sum.

Ego: Bonum diem tibi!
Filiola: Iiiiiiii
Filiolam e cunis extraho.
E: Necesse tibi est pannus novus. Aliquid putet!
F: Gn-gn.
Filiola me pugnat dum pannum paro.
E: Visne ientare?
F: Nananana.
Manibus lavatis, filiolam in culinam fero.
E: Visne bananam?
F: Nananana.
E: Et cerealia?
F: Nananana.
Ientamus.
E: Ientaculum finivimus. Visne lac?
F: Mamamamama.
Filiola lac bibit.
E: Abest lac!
F: Uhuhu!
E: Vae tibi! In oeco ludamus.
Filiolam ex eius sella extraho ut in oecum ire possimus.
E: Ubi est illa parvula? Eam videre non possum.
F: Hahahae (dum se celat).

Sic mane apud me.

2008-10-09T12:18:00.002-04:00

Nota: Hoc in linguam latinam conversi (pro editoribus Bolchazy-Carducci), et Iohannes Traupvir id redactavit. Eugepae! Paucas emendationes fecit!

Hem. Iam.

STATIM DIVULGANDO

Bolchazy-Carducci Editores, ob sessionum aestate praeterita interetalium successum, tres sessionses novas autumno ostendent, quarum prima dabitur ab illo Doctore Roberto Sonkowsky, vice-praeside societatis SORGLL honoratio expertoque linguae latinae viva voce lectore. Videas http://www.bolchazy.com/webinars.html ut locum tibi conservandum sit.

Die Iovis, 16o Octobris ab hora 4a ad 6am EST (a 3a ad 5am CST): “Oral Interpretation of Latin Poetry: The Delight of Latin Aloud” (Interpretatio poesis latinae oralis: voluptas linguae latinae enuntiatae) ducenda sessio a Roberto P. Sonkowsky, ex universitate Minnesotensi, professor rerum antiquarum emeritus.
Haec sessio interetalis locutionem linguae latinae et theoriam eius linguisticam probabit, in qua tres partes prae alteris duas horas clarafient:
1a. Fundamenta: Pronuntiatio in linguisticis historicis. Evidentia e grammaticis antiquis et inscriptionibus ceterisque a scholaribus inter quos sunt Allen, Sturtevant et Brittain ostenda sunt.
2a. Actus magnorum operum latinorum oralis: Vestiga antiqua, theoria hodierna. Vide professoris Sonkowsky “Delivery in Ancient Rhetorical Theory,” TAPA, 1959, sed magis explicita evidentia in poese latina modis dramatico, lyrico et heroico, e.g. professoris Sonkowsky “Tranio in Plautus’ Mostellaria” in Dramate Comparativo, 1992o.
3a. Exempla hodeierna audienda erunt. Participes legere locos sua voce citabuntur (quamvis non erit opus). Argumentum nostrum: Theoria antiqua ad Stanislavianismam hodernam adducit.

Pretium sesionis: $99.00

2008-09-10T00:26:00.003-04:00

Londinium! Eugepae!

Recte legistis. Londinium ibimus novembre! Ego uxorque et filiola nostra.

Impatiens puer fio.

Londinium. Vix ei credere possum. Et tesserae sunt minimi pretii.

2008-09-08T20:27:00.007-04:00

Schola (quidam domestica) incepit

Rurus me in conclavi scholastico invenio. Ego autem linguam latinam doceo, sed etiam physica, mirabile dictu, doceo. Aestate imparatus esse me putavi, sed schola incepta paratus sentio. Quod me vexat est schola discipulorum in gradu linguae latinae tertio.

Tirones linguam latinam faciliter docere possum. Fere sine opere docere possum. Sed discipuli anni tertii non sunt tam faciles. Procul dubio, satis bene linguam nostram cognosco ut eos docere possim. Timeo autem ut satis pensorum habeam.

Quid? Ille qui apud Bolchazianos laborat satis pensorum non habet? Quomodo fit? Fabulam vobis utinam narrem. Hac in schola discipulis semel in hebdomade intersum, quia haec shcolae est ratio. Quid plus, hi discipuli valde pii sunt. Iam tum, si in schola publica docerem, opera Catulli et Horatii Ciceronisque (vel Plauti!) docere possem (et velim, sed haec est altera fabula). Propter paucas scholas necesse mihi est aliam viam invenire. Biblia Sacra Vulgata est via a me electa, sed nemo enchidrium utile adhuc ededit. Sunt enchidria de Vulgata quae male aestimo (praesertim unum, cuius titulus me evadit). Itaque enchidrium quod tempore et patentia abutitur faciebam.

Proh dolor. Alterum malum de Vulgata enchidrium fiet. A me!

Hahae. Sic vita. Nonne?

2008-08-06T11:40:00.001-04:00

Felicem diem

Mihi!

Recte legistis, hodie est dies natalis mihi.

Quam senex sum!

2008-07-30T09:46:00.004-04:00

Mulier sarcinata

Nuper verbum "sarcina" didici: gratias causa Andreae Gollan ago. Sarcina est saccus in quo discipuli, et alii, libros aliaque ferre solent. Possumus nominare aliquem esse sarcinatum qui sit satis crassus. Cognoscere hoc est fabulam sequentem intellegere.

Ut scitis, Phoenicem nuper ivi, quo certe aeroplano volavi. Dum transcendebamus, mulierem sarcinatam vidi. Illa duas sarcinas gerebat, quarum una ad tergum, altera ad verntrem gesta est. Re vera! Non erat crassa, sed duplex sarcinata. Cur duas sarcinas gerebat, sicut mulus, illa? Ne pecuniam impedimentis in aeroplani alveo latis solveret!

2008-07-16T08:45:00.001-04:00

Phoenix

Phoenicem cras ibo. Aeroplano. Num putatis ambularem? Timeo ut calores Phoenici mihi laedent.

2008-07-15T12:07:00.004-04:00

Conventiculum Lexintoniense

Iterum illo conventiculo fructus sum. Multum. Loqui autem latine facilius hoc anno quam primo anno (2006o) mihi videtur. Scilicet: noniam novissimus tiro sum, quamquam tiro semper ero. Nonne omnes discipulae linguae nostrae tirones sumus? Semper omnibus nova nuga latinitatis est.

Hoc anno Erasmum propter illum Terentium inveni (tamen 2006o Lexintoniae Erasmi epistulam, quae tunc mihi non placebat, legi. Terentius librum Erasmi, qui tatnum innocens visus est, in mensa posuerat. Sedens prope hunc librum, quorum multi erant, eundem sustuli. Proh! Plenus et mirabilium et iucundorum colloquiorum erat. Vero Erasmo iam fateor.

2008-05-07T00:38:00.002-04:00

Nugae

Filiolae meae et eius digitis pedis:

Hic porcellus ad macellum adivit,
Hic porcellus domi mansit.
Hic porcellus carnem asatam edit,
Hic porcellus nihil sumpsit.
Hic porcellus domum cucurrit clamans vi vi vi vi vi vi!

2007-08-21T21:53:00.000-04:00

Vasintonia

Iter in Vasintoniam (Campum Columbiae) faciam Octobre! Cur? Ut conventum societatis nomine CAAS eam. Eritisne ibi?

Tristis (plus minusve) fiam, nam necesse erit ab parvula uxoreque abesse. Non. Tamen uxorem et parvulam amo, itinera facere quoque mihi placet.

Imagines itineris faciam.

2007-08-19T13:06:00.000-04:00

Quam fessus fiebam!

Fines fatigationis meae scire non potestis. Parvuli, nisi eos iam habetis, difficiles sunt. Tam difficiles ut patres matresque semper fessi fiant.

Iam infans vagit propter famem, dein propter ructandum. Semper aliquid. Sed quam bella tam angelus est parvula mea.

2007-07-29T14:34:00.000-04:00

Lassitudo

Quam lassus fiebam. Qua de causa? Haha. Facile scire debetis: de infante. Quamquam dulcis et bella infans est, lassus sum. Non numquam sine causa flebat, tamen saepe cum causa. Saepe eam teneo dum flet. Fortunate parvula, plus quam non, dormit. Et bene dormit.

2007-07-10T23:55:00.000-04:00

die latino fungamur!

Si velis, nobiscum conveniturum esse possis. In hortis zoologicis
Lincolnensibus, cuius inscriptio est 2001 N. Clark Street, Sicagi et
inscriptio electronica est www.lpzoo.org, hora duodecima (vel meridie)
die Saturni 11o Augusti conveniemus ut prandeamus subdialis. Post
prandium nostrum de animalibus loquemur. Tesserae intrandi liberae
omnibus sunt!

Conveniemus in loco prandandi prope phoenicopteris, qui magni aves
rosei sunt. Etsi hunc locum invenire non potes, vel urbem nescis,
convenire mecum potes in statione nomine Ogilvie Transportation Center
prope popinam nomine Anne Sathers hora decima semis (plus minusve, de
tramine dependitur). Nobis conventis tramen elevatum ambuabimus et in
hortos zoologicos vehemur. Forsan mille passuum ambulabimus.

Loquerisne latine numquam? Noli timere! Te adiuvabimus. Indices
vocabulorum utilium habemus. Forsan librum nomine Conversational Latin
for Oral Proficiency ab Ioannes Traupvir scriptum seu lexicum tecum
ferre debeas (ut te adiuves).

Habesne quaestiones de die? Epistulas electronicas ad me mitte.
Inscriptio electronica mihi est sipes23 apud hotmail.com. Spero ut ibi
videam te!

2007-07-08T23:19:00.000-04:00

Quid?

Aliquid inveni. Solum autem quod dicere possum est "quid??????"

2007-07-08T00:35:00.000-04:00

Me mei pudet

Parvula in me cacavit, deinde risi. Me pudet.

2007-07-04T23:02:00.000-04:00

America

Te amo, quia fluvii fluventes per montes pulchros, populus bonus (quamquam non omnes Americani sunt boni) et terra bella mihi placent praecipue libertas tua.

Rem publicam autem, vel melius dictum imperium, timeo. Libertas fragile est et imperium libertatem non amat neque aestimat. Libertas homines servet, utrum scimus an non. Agere quid nec alicui nocet nec bonis alicuius, libertate vera, neque libertas a Frutice dicitur, nobis licet. Libertas, ut Mises dixit, opes vitamque nobis dat. Sic hodie esse festum libertatis loco imperii debet.

Quisque se regere debet. Haec est libertas. Haec America.

2007-07-02T00:39:00.000-04:00

Parvula est!

Me induto paratus partui in veste sterili ingnotus sexum infantis sum. Deinde nutrix me in convlave pariendi duxit ut manere cum uxore possem. Medici similes formicis circum nos cucurrerunt, dum uxor propter medicamentum torpebat. Tandem quidam medicus uxorem cecidi ut infans pari possit. Tandem filiam meam vidi. Parvula est!

Ada Carolina nata 27o Iunii 2007o est. Tata eodem tempore fiebam. Illam parvulam amo.

2007-06-26T01:54:00.000-04:00

Quid???

My blog is worth $2,822.70.
How much is your blog worth?

Verumne? Ubi hanc pecuniam inveniam?

2007-06-21T23:43:00.000-04:00

Somnium

Dormiens nocte somnium hesterna habui. Infantem partum a me perterrito acceptum esse somniavi.

2007-06-18T23:46:00.000-04:00

Quid agere cultello meo debebo?

Fracta est! Hunc cultellum cotidie quinque annos portabam. Cistas cultello saepe aperiebam et alia etiam hoc agabam. Epistulam electronicam ad societatem nomine Arma Marmoris, qua cultellus factus erat, ipsam misi et mihi dixerunt cultellum ab eis nondum agi. Tamen cultellum ad officinam eorum miserim, ipsum inspicent ut ratio frangendi inveniatur.

2007-06-17T23:04:00.000-04:00

Infans, veni!

Dormire vix possum, quamquam parentes parvulorum non dormire intellego. Infante advenito quid agam?

2007-06-14T21:00:00.000-04:00

de paternitate

Saepe putabam de infante meo/a deque me patre. Disputationem igitur inter me et quemdam patrem (neque meum) volentem vobis praesento.

Petrus (vel ego): Salve amice!
Quidam pater: Salve pater expectans! Tempus mirabile tibi est nonne?
P: Scilicet. Infans in uxoris utero inest et mox veniet. Sed…
QP: Sed quid? Num metus habes?
P: Immo multos! Plurimos!
QP: Verumne? Vix tibi credo. Paternitas mirabilis est.
P: Ut dicis tu!
QP: Quales metus habes?
P: Primum, mortalitatem meam sentio, et qui mortem suam non metuit?
QP: Scilicet. Quomodo mortalitatem sentis?
P: Infans autem locum meum sumet, et hoc displicit mihi valde.
QP: Esne certus tu? Sumetne locum tuum an hoc putas acturum esse?
P: Hem.
QP: Difficile dictu quia prave putas, nam infans locum tuum non sumet.
P: At gradus evolutionis humanae proximus erit infans, infante vento igitur fiam homo hesternus.
QP: Mehercle! Res non est tam gravis! Vita continuabit tua! Infans te requirabit! Metuis nihil.
P: Quomodo scis?
QP: Scilicet parvuli mei patrem requirentes nondum me necat.
P: Edepol. Melius non sentio. Gratias.

2007-06-10T23:13:00.000-04:00

Socii vicere

Socii 6, Astri 3

Basipila Sicagi fructus sum hodie. Marcus Buehrle Astros vincens victoriam centesimam hodie fecit, quamquam Astri, qui domum suam Hustoniae fecunt, manus bonus non sunt. Ludus iucundus erat, quia cum amico bono ii.

Viam meliorem via solita inveni—lineam viridem. Usi linea rubra solebam, quia statio eius prope agrum Comiskiensem, quo in loco ludi aguntur, stat. Statio "L" autem lineae rubrae prope stationem Metrae non est, dum lineae viridis est! Egro usi linea viridi elegi. Erat bonum consilium.

2007-06-07T21:49:00.000-04:00

Cuius dies natalis?

Patroni mei! Mittite felicitates acceptissimum ad editorem nostrum die eius natali.

Inscriptio electronica ei est hic. Natus est septuaginta annos!

2007-06-04T23:08:00.000-04:00

8½

imago e Vicipaedia

10 e 10 stellis

Quam bona haec pellicula est! Pellicula de moderando in pellicula de moderando. Mehercle, si pelliculam antea viderim an non nescio. Fridericus Fellini moderator erat et Marcellus Mastroianni histrio magnus in moderatoris persona erat. Ut mos in pelliculis Felliniensibus, Mastroianni in persona Felliniensi erat. Hac in pellicula hic mos mihi valde patebat.

Quoque haec pellicula alias res similes rebus Felliniensibus (et Gilliamensibus!) habet. Quas res? Erat convivia (similis pelliculae nomine Vitae Dulci). Erant mulieres quae Italae non erant (videte Anitam Ekberg in Vita Dulci rursum). Historia hic dein ibi dein alio loco temporeve erat (ut Roma). Infedelitas et matrimonia (sicut in Via vel Vitellonis). His ex partibus Fellini magnum opus fecit.

Una res super alias mihi ascendebat: Prima in scaena raedam rumpens in turba raedarum gubernabat aliquis. Praehendebatur raeda rupta. Dein alio modo se liberabat et volare incipiebat. Spectans scaenam putansque hanc scaenam antea me vidisse sciebam. Tamen quando? Lentiter mihi patebat: In pellicula nomine Brasilia! altera pellicula acceptissima ab me. Et qui Brasiliam fecit? Terentius Gilliam, moderator magnus hodernus.

Plures pelliculas Fellinienses video, plus me placent.

2007-06-02T17:09:00.000-04:00

Raedam infanti parere

Vae mihi! Sella infantis in raeda iam est. Ego basem corpore meo impresiens et uxor cingulum alligans magna cum difficultate sellam in raeda ponuimus. Tam difficile erat ut semel bisve clamarem frustratissimus. Tamen id fecimus.

2007-05-24T23:13:00.000-04:00

Arcansia

Nempe propter munus meum in Arcansia ineram. Scio. Arcansia civitas Americae pulcherrima non est, tamem ii. Etiam ego Illinoesiam quoque non esse civitatem pulcherrimama scio. Bene scio. AT, lectores benevolentes, Arcansia non est tam mala quam putatis. Quomodo sit bona Arcansia rogatis. Tam laetus a vobis rogantibus fio ut quaestioni vestrae respondeam.

Tempore iucundo Petriculae fructus sum.

Ecce! Petricula ipsa! Scitisne Petricula ipsa Petriculae sit? Neque ego antequam fortuito inveniens Petriculam Peticulae eram. Illa petricula autem signum navigandi nautis erat, deinde tramina venerunt et tam superens fiebat petricula ut pons traminum in ea aedificaretur.

Ecce! Pons traminis! Deinde raedae venerunt et tramina paene superentia facta sunt. Quamquam pons traminum hic derelictus est, pons raedarum (post traminum pontem) hodie in usu est.

Sic petricula Petriculae.

2007-05-22T22:32:00.000-04:00

Ferox Gulielmus Hickok

Hoc aedificium Luci Troiani stat. Pedimentium eius id argentariem fuisse, sed hodie scilicet relictum est, ut mihi videtur. Lucus Troianus (anglice: Troy Grove) vicus parvus in Illinoesiae agris est. In claritatem autem una ratione ducitur, nam filius clarissimus Ferox Gulielmus est.

Ferox Gulielmus erat vigil aleatorque, qui natus Luci Troiani Illinoesiae 27o Maii 1837o, necatus in oppido nomine Deadwood Dacotae Meridionalis 2o Augusti 1876. Per bellum civilie Americanum miles erat. Fiebat post bellum aleator, qui interdum credita acipiebat. Olim credita tam magna facta sunt ut contra Davis Tutt, quem Hickok necavit, modo saepe in pelliculis depicto duellaret: duo homines duo sclopetula tenentes in via medio die! Tandem Ferox Gulielmus chartulas ludens necatus est. Duo octavos et duo puerulos (ut dicit L&S, forsan furciferos melius dictum?) in manu, qui hodie notus ut manus morituri, tenuit. In atrium clarorum pokerense (proh dolor!) propter modum mortis suae 1979o ducebatur.

2007-05-15T21:20:00.000-04:00

Quam fessus!

Sum. Pro aede Bolchaziana (vel munere meo) Harrisburgi, quod est caput Pennsilvaniae, eram duos dies longissimos. Me rogatis cur? Ut programma nomine Artes Latinae vendamus. Cui vendimus? Quaestio bona. Nonulli in America liberos suos domi docent. Recte auditis domi docere homines, quorum multi in schola domestica docere latine volunt. Ergo necesse illis habere programma latine docendi. Deinde me programma vendentem apud conventiculum illorum inveniunt. Quam fortunatus sum! Nonne?

Tam diu conventiculum erat ut fessus fierem et tantum dormire possem. Vae mi! Itaque bene dormuit. Die proximo raeda ab Harrisburgo cessi ut Castellum Novum Delevariae irem. Ibi est aedificium, per quo gubernare potest (si licet, nescio). Mirabile visu! Nonne? Matrem telephonice compellare conabar, quia die matrum a domo aberam. Mater quoque a domo aberat, itaque nuntium telephono mittebam.

Deinde Baltimoram gubernabam, quia aeroportum e quo volavi Baltimorae est. Ibi Praesidium McHenry vidi. Scitisne illam praesidium? Est locus qui Franciscum Scott Key scribere carmen nomine "Vexillum Stellis Punctatum" scribere inspiravit. Vere! Locus amoenus est.

Hoc die in quinque civitatibus Americanis eram. In Pennsilvania surrexi, per Novam Caesaream Delevariamque gubernavi, e Terra Mariae volavi et tandem domum (in Illinoesia) veni.

2007-05-08T23:36:00.000-04:00

Perterritus

Quis? Sum! Quam ob rem? Ob infantem. Fere paratus/a infans est. Uxor parata. Sumne? Imparatus! Re vera, si paucia scirem, laetior fierem etsi nihil scirem, laetissimus fierem! Tamen scio tam multa ut perterritissimus fiam.

Vita mutabitur cum infans venerit. Modi mutandi ignoti mihi sunt! Perterritus igitur sum. Antequam fascias (quo modo dicitur latine diapers?) numquam feci. Nihil infantum scio et liberorum pauca. Sed infantium? Nihil. Quid faciam? Infans autem me artem educandi docebit. Spero ut bonum magistrum habeam.

Colloquine latine cum infante debeo? Quid putatis?

2007-04-28T00:23:00.000-04:00

Dies Latinus primus

monstrans a parte sinistra: me, Iacobum Chocola, Terentiam Fair, Mariolinam Brusherd, imago facta ab Iustino Mansfield

primo die Latino fungabamur

die Saturni, 21o Aprilis, 2007o

Primum esurientes in popina nomine Bennigan’s convenimus ego, Iacobus Chocola, Mariolina Brusherd, quarum conatum latine loquendi plaudare debeamus, Alexandra Schmidt cum fila sua filioque, dein Terentia Fair, quae latine francogalliceque docet, convenit et tandem Iustinus Mansfield, qui scire permulta verba mihi videtur. Alexandrae et liberis abire necesse erat propter filiae dolorem in stomacho (nisi memoria me fallit). Spero ut melius se sentiat.

Post prandium trans viam transibamus ut Institutione Artium fungabamur. Latine loquentes multas per pinothecas peribamus. Nos loquentes latine de imaginibus nemo rogoavit qualem linguam loquamini. Forsan homines Sicagi alias linguas audire solent, plus quam Seattli Lexintoniaeve.

Praceptum reconveniendi post diem nostrum faciebamus.

2007-04-18T23:02:00.000-04:00

Similes sumus

Ut pater…

…sic infans.

Dormientes.

2007-04-16T23:50:00.000-04:00

Iacobus Burke

imago e vicipaedia

Natus 22o Decembris anno 1936 Deris¹ est. Historigraphus scientium et auctor programmatum televisificorum librorumque nomine Nexus (anglice: Connections) et Die Mundus Mutavit est et Oxoniae studuit. Programmata eius ad nexus inter res scientificas hominesque pertinet. Scitisne est nexus inter Napoleonem et computatra? Mirabile dictu, nexus est facilis! Si vultis, responsum hic est.

Olim ego discipulus in collegia et Iacobus Burke (post oriationem suam) congressi sumus. Est vir magnus, si mundum intellegere nostrum vultis interconnexum.

Notae:
1. Deriae sunt urbs in Hiberina Septentrionali. fons